Rossiya Tashqi Ishlar vaziri Sergey Lavrov, Ukrainada tinchlik oʻrnashi uchun Rossiya manfaatlari e’tiborga olinishi kerakligini ifoda etgan holda AQSh Davlat kotibi Marko Rubio bilan uchrashishga tayyorligini bildirdi.
Kreml, oʻtgan oyda Rossiya Davlat rahbari Vladimir Putin bilan AQSh Prezidenti Donald Trump oʻrtasida sammit tashkil etilishi sa’y - harakatlarining vaqtinchalik toʻxtatilishi ortidan Lavrovning Vladimir Putin e’tiboridan chetda qolganligi haqidagi taxminlarni rad etdi.
Reuters va boshqa ommaviy axborot vositalari, Vashington yangi sammitni Lavrov vazirligi Moskvani Ukraina borasidagi talablaridan voz kechishga tayyor emasligini ifoda etishi ortidan bekor qilingani haqida ma’lumot tarqatgan.
Britaniyaning Financial Times gazetasi bir manbaaga tayangan holda, Lavrovning Rubio bilan boʻlib oʻtgan uchrashuvi Vashingtonni uzoqlashtirgan boʻlishi mumkinligini qayd etdi.
«Davlat kotibi Marko Rubio va men muntazam muloqot zarurligini tushunamiz», - dedi Lavrov bugun (09.11.2025) RIA milliy axborot agentligiga bergan bayonotida.
Sergey Lavrov oʻz soʻzida shuningdek: «Ukraina masalasini muhokama qilish va ikki tomonlama kun tartibini ilgari surish uchun bu muhimdir. Shu bois ham biz telefon orqali muloqot qilyapmiz va zarurat tugʻilganida yuzma - yuz uchrashuvlarga tayyormiz», - degan ifodalarga oʻrin berdi.
