Turkiya bilan Eron: Isroil - Yaqin Sharq barqarorligining eng katta tahdididir

Turkiya Respublikasi Tashqi Ishlar vaziri Hakan Fidan Tehronda boʻlib oʻtgan yuqori darajadagi muzokaralar ortidan Anqara bilan Tehronning savdo, energetika, chegara boshqaruvi hamda mintaqaviy xavfsizlik sohalarida hamkorlikni sezilarli darajada kuchaytirish niyatida ekanini bildirdi.

Bugun (30.11.2025) Tehronda eronlik hamkasbi Abbos Araqchiy bilan uyushtirilgan mushtarak matbuot anjumanida nutq soʻzlagan Hakan Fidan, ikki tomon ham iqtisodiy aloqalar mavjud salohiyatga nisbatan ancha ortda qolayotgani ustidan kelishib olgani ta’kidladi.

Fidan ikki qoʻshni oʻrtasidagi chuqur muvofiqlikka e’tibor qaratgan holda mavzu haqida: «Savdo va energetika bizning ustuvor yoʻnalishlarimizdir va bugun yana bir bor qilinishi kerak boʻlgan yana koʻp ishlar borligiga guvoh boʻldik». - dedi.

Vazir shuningdek, mamlakatlarning chegara punktlari sonini ko‘paytirish, oʻtishlarni osonlashtirish va yangi logistika hamda transport loyihalarini amalga oshirish ustida ishlashlarini oʻz soʻziga ilova etdi.

«Isroil — Yaqin Sharqdagi barqarorlikning eng yirik xavfidir»

Mintaqaviy masalalarga toʻxtalgan Fidan G‘azodagi vaziyat, Livan va Suriyadagi tarangliklar bilan Isroilning ekspansion siyosati bilan bog‘liq keng koʻlamli xavotirlarga e’tibor qaratgan holda har ikki davlat ham Isroilni "Yaqin Sharqdagi barqarorlikning eng yirik xavfi" deb hisoblashini ifoda etdi.

Hakan Fidan xalqaro hamjamiyat oʻz mas’uliyatini bajarishi kerakligini yodga solgan holda mintaqaviy xavfsizlikni ta’minlash uchun kuchliroq global bosim koʻrsatilishi kerakligini ta’kidladi.

Fidan davom etayotgan yadro muzokaralari jarayonida Turkiyaning Eronni qoʻllab - quvvatlashi takrorladi va nohaq hisoblangan sanksiyalar bekor qilinishi zarurligini qayd etdi. Shu bilan birga Tehron hal qilinmay qolgan masalalarni “xalqaro huquq doirasida” hal qilishi lozimligini ta’kidladi.

Shuningdek, Anqaraning, Rossiya – Ukraina urushini tugatishga qaratilgan diplomatik sa’y -harakatlarga koʻrsatayotgan qoʻllovini yana bir bor takrorladi.

Noqonuniy migratsiyaga qarshi kurash

Hakan Fidan, Turkiya va Eronning Afgʻonistondan kelayotgan noqonuniy migratsiyaga qarshi kurashish uchun muvofiqlashtirilgan choralarni muhokama qilgani, keng mintaqaga ta’sir koʻrsatayotgan bu muammoni hal etish uchun “konkret hamkorlik” zarurligini bildirdi.

Ikki tomonlama aloqalarni chuqurlashtirish doirasida Anqara, Eronning, Turkiyaning sharqiy viloyatlaridan biri — Van shahrida yangi konsullik ochish rejasini mamnuniyat bilan qabul qildi. Fidan konsullik ochilish marosimida Araqchiy bilan birga qatnashishini ifoda etdi.

Ikkala vazir shuningdek, Toʻqqizinchi Turkiya – Eron Yuqori Darajadagi Hamkorlik Kengashining davlat rahbarlari ishtirokidagi yigʻilishini eng qisqa vaqtda oʻtkazish borasida ham kelishuvga erishdi.