Livan Eron elchisining akkreditatsiyasini bekor qilib, uni, “Nomaqbul deb topilgan shaxslar” roʻyxatiga kiritilganini e’lon qildi.

Livan Tashqi Ishlar vazirligi bayonotiga ko‘ra Mohammad Reza Shibaniy 29 - martga qadar mamlakatni tark etishi kerak.

Vazirlik shuningdek Erondagi Livan elchisi Ahmad Svaydan ham maslahatlashuvlar uchun takror chaqirilganini ma’lum qildi.

Vazirlik bu qaror “Tehron tomonidan o‘rnatilgan diplomatik me’yor va protokollarning buzilgani” sababli qabul qilinganini bildirdi.

Livan hukumati 5 - mart kuni mamlakatda faoliyat yuritayotgan Eron inqilobi qo‘riqchilari (IRGC) a’zolarini kuzatish va hibsga olish bo‘yicha ko‘rsatma bergan edi.

Joseph Avn o‘tgan yili Eronga Livan hududida hech bir guruhga qurol olib yurish yoki xorijiy yordamga tayanishga ruxsat berilmasligini bildirgan edi.

Isroil 2 - martdan buyon Livanga qarshi havo hujumlari uyushtirib kelmoqda hamda mamlakat janubida quruqlik amaliyotini boshlatdi.

Livan rasmiylariga ko‘ra, Isroil hujumlari natijasida hozirgacha kamida 1 039 kishi halok bo‘lgan, 2 876 kishi esa yaralangan.

Hozirgi keskinlik, 28 - fevraldan buyon 1 ming 340 nafardan ortiq inson halok bo‘lgani va AQSh – Isroil qo‘shma hujumlari paytida qayd etildi.

Tehron esa “AQSh harbiy obyektlari”ni nishonga olganini bildirib, Isroil bilan birga Iordaniya, Iroq va Fors ko‘rfazi davlatlariga qarshi dron va raketa hujumlari bilan javob qaytardi.