Turkiya bilan Pokiston energiya qidirish bo‘yicha shartnoma imzolaydi
Turkiya bilan Pokiston, aprel oyida Pokistondagi 40 boshqa blokdagi dengiz sohalarida neft va gaz qidiruv faoliyatlari uchun birgalikda taklif berish to‘g‘risida kelishib olgandilar.
Energiya va tabiiy resurslar vaziri Alparslan Bayraktar, Turkiya bilan Pokiston o‘rtasida quruqlik va dengiz hududlarida neft va gaz izlashni o‘z ichiga olgan yangi energetika kelishuvi imzolanishi rejalashtirilayotganini ma’lum qildi.
Nomi tilga olingan kelishuv imzolanishi uchun Alparslan Bayraktar kelasi hafta Pokistonga boradi.
Bayraktar Lider Haberga shunday dedi: “Pokistonda birinchi chuqur burg‘ulash bo‘yicha, dengiz hududlariga oid kelishuvimizni imzolaymiz. Ikki quruqlik hududida, bir dengiz hududida qo‘shma ishlarni boshlaymiz”, - dedi.
Daily Sabahning xabar berishicha, imzo marosimi seshanba kuni bo‘lib o‘tishi kutilmoqda.
Pokiston hukumati fevral oyida Makron va Indus havzalarida qidiruv litsenziyasi berish maqsadida 40 ta dengiz blogini tender orqali takliflarga ochilganini e’lon qilgandi.
Turkiya bilan Pokiston aprel oyida Pokistonda 40 xil blokni o‘z ichiga olgan dengiz hududlarida neft va gaz qidirish tenderlariga qo‘shma taklif berish bo‘yicha kelishuv imzoladi.
Pokistonning Mari Energies Limited, Oil and Gas Development Company Limited va Pakistan Petroleum Limited kompaniyalari, Turk Petrol (TPAO) bilan birgalikda dengiz tenderlarida qo‘shma ishtirok uchun kelishuv imzoladi.
Turkiya Tashqi Ishlar vaziri Hakan Fidan iyul oyida Islomobodga bo‘lgan rasmiy tashrifi chog‘ida, turk kompaniyalari Pokistonning dengiz zaxiralarida neft va gaz qidiruv ishlarini amalga oshirishini bildirgandi.
Pokiston Bosh vazir o‘rinbosari - Tashqi Ishlar vaziri Muhammad Ishoq Dor bilan uyushtirilgan mushtarak matbuot anjumanida nutq so‘zlagan Fidan, Anqaraning Islomobod bilan iqtisodiy va energetika sohalaridagi aloqalarni chuqurlashtirish niyatini ta’kidlab, ikki davlat o‘rtasidagi savdo hajmini 5 milliard dollarga yetkazish ustida ishlashlarini ifoda etgan.
TPAO oktabr oyida, Islomobod qayta boshlab bergan dengiz hududlarida energiya qidirish tashabbusi doirasida, Pokistonning Sharqiy Offshore Indus Blok - C hududida 25 foiz ulush va boshqaruv huquqlarini qo‘lga kiritgan edi.