Ben - Gvir falastinliklarni otib tashlagan isroillik askarlarni qo‘llab - quvvatladi

Isroilning o‘ta o‘ng qanot ko‘z qarashdagi Milliy xavfsizlik vaziri Itamar Ben - Gvir, bosib olingan G‘arbiy Sohildagi Jenin shahrida falastinlik ikki kishini otib tashlagan isroillik askarlarni to‘liq qo‘llab - quvvatlashini bildirdi.

Ben - Gvir «X» ijtimoiy tarmoqdagi hisobi orqali mavzu haqida:
«Jenin shahridagi bir binodan chiqqan terrorchilarni otgan chegara qo‘riqchilari va Isroil armiyasi askarlarini to‘liq qo‘llab - quvvatlayman. Kuchlar, ularga munosib tarzda qadam tashladi. Terrochilar o‘lishlari kerak!» - dedi.

Bu bayonot, Isroil armiyasi va politsiyasi voqeani o‘rganib chiqayotgani haqida ma’lumot berishi ortidan qayd etildi.

Eslatib o‘tamiz:

Ijtimoiy tarmoqlar va Isroil bilan xalqaro OAVda tarqalgan videolarda ikki nafar erkak kishining qo‘llarini ko‘tarib isroillik harbiylarga yaqinlashgani, ortidan esa o‘q ovozlari eshitilgani, eng yomoni mazkur ovozlardan keyin nomi tilga olingan erkak kishilarning yerga qulagani aks etgan.

Falastin yetakchiligi bu voqeani «urush jinoyati» va «vahshiy qotillik» sifatida ta’rifladi.

Isroil armiyasi va politsiyasi tomonidan mavzu haqida berilgan qo‘shma bayonotda askarlar portlovchi moddalar uloqtirish va xavfsizlik kuchlariga qarshi o‘q uzish ham doxil terror harakatlari sodir etgan shaxslarni qo‘lga olishga urinayotgani ifoda etildi.

Bayonotda:
«Kuchlar hududga kirdi, gumonli shaxslar o‘rin olgan binoni qurshab oldi va bir necha soat davom etgan taslim bo‘lish jarayonini boshlatdi. Bino ustida muhandislik texnikalari qo‘llanilishi ortidan gumonlangan ikki kishi tashqariga chiqdi», - deyildi.

Unda shuningdek:

«Ular tashqariga chiqqach, gumonli shaxslarga qarshi o‘q uzildi. Voqea, maydondagi qo‘mondonlar tomonidan o‘rganib chiqilmoqda va tegishli professional bo‘linmalarga topshiriladi», - degan ifodalarga o‘rin berildi.

Falastin Sog‘liqni Saqlash vazirligi halok bo‘lgan kishilarning 37 yoshli Yussef Ali Asa’sa bilan 26 yoshli al - Muntasir Billoh Mahmud Abdulloh ekanini ma’lum qildi. Vazirlikka ko‘ra, ular Jeninning Jabal Abu Zohir hududida o‘ldirilgan va tanalari Isroil kuchlari tomonidan olib ketilgan.

Falastin Tashqi Ishlar vazirligi voqeani «vahshiy dala qotilligi» sifatida qoraladi va xalqaro hamjamiyatni, Isroil, o‘lim mashinasini to‘xtatish uchun zudlik bilan chora ko‘rishga chaqirdi. Unda shuningdek, falastinliklar uchun himoya choralari joriy etilishi talab qilindi.

Hamas bu o‘limlarni «qurolsiz falastinlik ikki yigitning sovuqqonlik bilan qatl etilishi» deb atadi.

Bosib olingan G‘arbiy Sohil bo‘ylab Isroil zo‘ravonligi, 2023 - yilning oktabr oyida G‘azoda qarshi boshlatilgan genotsid ortidan kuchaydi.