Turkiya Harbiy dengiz kuchlariga qarashli TCG Oruch Reis fregati, AQSh mustaqilligining 250 yilligiga bag‘ishlangan tadbirlar doirasida Nyu-Yorkdagi xalqaro dengiz paradida Turkiya nomidan qatnashadi.
176 nafar ekipaj a’zosiga ega bo‘lgan kema Hudson daryosiga langar tashladi va 8-iyulgacha Nyu-York portida bo‘ladi.
TCG Oruch Reis qo’mondoni, kapitan Kemal Varli Anadolu agentligiga bergan intervyusida, fregat Turkiya Harbiy dengiz kuchlarining yuqori operatsion salohiyati, professionalligi va ittifoqdosh kuchlar bilan qo‘shma vazifalarni bajarish qobiliyatini namoyish etayotganini ta’kidladi.
Varlining qayd etishicha, 2025-yilda yakunlangan modernizatsiya jarayonida kemaga mahalliy ishlab chiqilgan ilg‘or jangovar boshqaruv tizimi, radar, elektron urush vositalari, sensorlar hamda aloqa tizimlari o‘rnatilgan. Shuningdek, u mazkur tashrif Turkiyaning NATOdagi faol roli va xalqaro dengiz xavfsizligiga qo‘shayotgan hissasini yana bir bor yoritishini qo‘shimcha qildi.
Ushbu dengiz tadbirlarida 20 dan ortiq davlat o‘zining harbiy va tarixiy kemalari bilan ishtirok etmoqda. 1997-yildan buyon Turkiya dengiz kuchlari safida bo‘lgan Barbaros sinfiga mansub TCG Oruch Reis fregati, 8-iyul kuni Nyu-Yorkdan Dublin tomon yo‘l olishi rejalashtirilgan.
