Rossiya Prezidenti Vladimir Putin ma’lum qilishicha, Rossiya Yevropa kuchlari bilan urushni istamaydi, lekin agar Yevropa Moskva bilan toʻgʻridan-toʻgʻri mojaroni xohlasa, jangga tayyor.
Rossiya Yevropa bilan urushmoqchi emas, biroq agar Yevropa urush boshlasa, Moskva bunga hozirning o‘zida tayyor. Bu haqda Rossiya Prezidenti Vladimir Putin kecha, 2 dekabr kuni jurnalistlar bilan uchrashuvda so’z ochdi.
Uning aytishicha, bunday vaziyat tez orada yuzaga kelishi ham mumkin.
Uning ta’kidlashicha, Yevropa AQSH Prezidenti Donald Tramp ma’muriyatining Ukraina masalasini tinch yo‘l bilan hal etilishiga erishishiga to‘sqinlik qilmoqda. Bryussel Rossiya uchun qabul qilib bo‘lmaydigan takliflarni ilgari surayotganini aytgan Putin, Yevropaning o‘zi muzokaralardan chetga chiqib ketganini ham qo‘shimcha qilgan.
U Yevropa “frontda shakllanayotgan real vaziyatdan kelib chiqib” harakat qilsa, muzokaralarga qaytishi mumkinligini istisno etmagan.
Ukrainani dengizdan uzib qo'yish
Putin, shuningdek, Qora dengizda Rossiyaning «soya floti»ga mansub tankerlarga dron hujumlari ortidan Ukrainaning dengizga chiqishini uzib qoʻyish bilan tahdid qildi.
«Eng radikal yechim — Ukrainani dengizdan uzib qo‘yish; shunda qaroqchilik nazariy jihatdan mumkin boʻlmaydi», dedi Rossiya prezidenti televideniyedagi bayonotida.
U shuningdek Rossiya Ukraina inshootlari va kemalariga zarbalarni kuchaytirishini va Ukrainaga yordam berayotgan davlatlarning tankerlariga qarshi chora koʻrishini aytdi.
Shanba kuni bir ukrainalik xavfsizlik mansubi aytishicha, Ukraina dengiz dronlari Qora dengizda ikki sanksiyalangan tankerni urgan — ular chet el bozorlariga moʻljallangan neftni yuklash uchun Rossiya portiga ketayotgan edilar.
