Turkiya Respublikasi Prezidenti Rajab Toyyib Erdo’g’an hamda Liviya Milliy Yagona Hukumatining Bosh vaziri Abdulhamid Dibeyba ikki mamlakat o‘rtasidagi hamkorlik va mintaqaviy masalalarni telefon orqali muhokama qildilar.
Turkiya Prezidentlik Aloqa Boshqarmasi ma’lumotiga ko‘ra, juma kuni bo‘lib o‘tgan suhbatda Prezident Erdo’g’an, Turkiyaning Liviyadagi voqealarni yaqindan kuzatayotganini va mamlakatda xavfsizlik hamda barqarorlikni ta’minlash uchun zarur harakatlarni davom ettirajagini ta’kidladi.
Erdo’g’an, energetika sohasini ham o‘z ichiga olgan ko‘plab yo‘nalishlarda Turkiya-Liviya hamkorligining muhimligini, shuningdek, Sharqiy O‘rta Yer dengizidagi ikki davlatning huquq va manfaatlarini himoya qilish borasidagi hamkorlikning davom etishini bildirdi.
Turkiya va Liviya 2025-yil iyul oyida konchilik, energetika va infratuzilma sohalarida hamkorlik qilish bo‘yicha anglashuv memorandumi imzoladilar.
Mazkur kelishuvga Turkiya Tashqi Iqtisodiy Munosabatlar Kengashi (DEİK), Turkiya-Liviya Ish Kengashi, Liviya Milliy Konchilik Agentligi, Liviya Yarmarkalar va Konferensiyalar Bosh Idorasi hamda Emaar Libya Holding kompaniyasi imzo chekdi.
Ushbu uch yo‘nalishda savdo hajmini oshirishni ham maqsad qilgan kelishuv, DEİK Turkiya-Liviya Ish Kengashi raisi Murtaza Karanfil va Emaar Libya Holding kompaniyasi bosh direktori Fuad al-Avvam tomonidan imzolandi.
