Muhammad Shiya as-Sudaniy bilan o‘tkazilgan ushbu so‘zlashuvda Rejep Tayyip Erdo’g‘an, Anqara ayniqsa savdo sohasida va boshqa ko‘plab yo‘nalishlarda Iroq bilan aloqalarni mustahkamlash uchun qadamlar tashlashda davom etishini aytdi. Prezident, shuningdek, terrorizmga qarshi kurashda hamkorlikni kuchaytirish har ikki mamlakat manfaati uchun muhim ekanini ta’kidladi.
Prezident Rajab Tayyip Erdo’g‘anning 2024-yil aprel oyidagi Iroq safari o‘zaro aloqalarda yangi davrni boshlab bergan edi. Ushbu tashrif davomida xavfsizlik, savdo, suv masalalari, qishloq xo‘jaligi, madaniyat va transport kabi sohalarda 27 ta shartnoma hamda anglashuv memorandumi imzolanib, o‘zaro sheriklikning huquqiy poydevori mustahkamlandi.
Erdo’g‘anning safari chog‘ida imzolangan asosiy hujjatlardan biri bo‘lgan "Hamkorlik uchun strategik doiraviy shartnoma" asosida tuzilgan doimiy qo‘mitalar orqali hamkorlikni tizimli yo‘lga qo‘yishda katta yutuqlarga erishildi. Shundan so‘ng, yuqori darajadagi siyosiy va texnik aloqalar yanada jadallashdi.
Iroq Bosh vaziri Muhammad Shiya as-Sudaniyning 2025-yil may oyida Turkiyaga qilgan rasmiy safari davomida "Oliy darajadagi strategik hamkorlik kengashi"ning oltinchi yig‘ilishi o‘tkazildi va unda 11 ta strategik hujjat imzolandi.
