Mahalliy manbalarga ko‘ra Isroil armiyasi dushanba kuni (08.12.2025) G‘azoda yana o‘q uzishni to‘xtatish kelishuvini buzdi. Isroil nazorati ostidagi hududlarda portlashlar, artilleriya o‘qi va o‘qotar qurol ovozlari eshitildi.
Joriy yilning 10 - oktabri kuni kuchga kirgan o‘q uzishni to‘xtatish kelishuvi, Isroilning 2023 - yilning oktabr oyidan beri davom etayotgan va 70 ming nafardan ortiq inson umriga, 171 ming nafardan ortiq insonning esa sog‘ligiga zomin bo‘lgan genotsid tusdagi urushni to‘xtatgandi.
Mahalliy manbalar Anado‘lu axborot agentligiga bergan ma’lumotida, Isroil butunlay o‘zi egallab olgan Rafohning g‘arbiy qismida turar - joylarni portlatgani va shahar sharqida o‘q uzgani aytildi.
Isroil armiyasi, shuningdek, Xon Yunusning sharqida va o‘zi bosib olgan hududlarda artilleriya va vertolyot hujumlari uyushtirdi.
G‘azo matbuot idorasiga ko‘ra Isroil yuzlab marotaba o‘q uzishni to‘xtatish kelishuvini buzgan, oqibati esa falastinlik 373 kishining umriga, 970 kishining esa sog‘ligiga zomin bo‘ldi.
Isroil 2023 - yilning oktabr oyidan beri G‘azoda, ko‘pchiligi ayollar va yosh bolalardan iborat 70 ming nafardan ortiq insonni o‘ldirdi, 171 ming nafardan ortiq kishini yaraladi.
