Isroil kuchlari seshanba kuni G‘azoda ikki ayol va ikki bola ham bor bo‘lgan besh falastinlikni yaraladi. Mahalliy ma’murlar bu voqeani sulh kelishuviga qilingan navbatdagi buzilish sifatida baholadi.

G‘azzo Fuqaroviy Mudofaa xizmati Isroil harbiy texnikalari Tuffah mahallasidagi uylarga o‘q uzganini, shundan so‘ng favqulodda yordam guruhlari BMTning Gumanitar masalalar bo‘yicha muvofiqlashtirish idorasi (OCHA) bilan hamkorlikda tunda tanklar va uchuvchisiz apparatlar tomonidan qurshovga olingan o‘nlab tinch aholini evakuatsiya qilganini ma’lum qildi.

G'azoda, Xon Yunus va Rafah Isroil hujumlarining asosiy markazlari bo‘lib qolmoqda. Armiya G‘azzo sharqidagi Isroil harbiy nazorati ostidagi "sariq zona" deb belgilangan hududlarga har kuni hujumlar uyushtirmoqda.

G'azoa Sog‘liqni saqlash vazirligining ma’lumotiga ko‘ra, 10-oktabrda sulh kuchga kirganidan beri kamida 356 falastinlik halok bo‘lgan, 900 nafardan ortig‘i yaralangan. 2023-yil oktabridan beri esa Isroilning qamal ostidagi hududga qarshi urushida ko‘pchiligi ayollar va bolalar bo‘lgan 70 mingdan ortiq falastinlik halok bo‘lgan, 171 mingdan ziyodi yaralangan va G'azoning katta qismi xarobaga aylangan.