Kreml, Rossiya Prezidenti Vladimir Putin juma kuni Moskvada Eronning eng yuqori xavfsizlik organi rahbarini qabul qilganini e’lon qildi. Uchrashuv, Amerika Qo‘shma Shtatlari (AQSH) Prezidenti Donald Tramp Eronni yadroviy dasturi bo‘yicha kelishuvga majburlashga urinayotgan bir paytda amalga oshdi.
Kremlning internet saytida e’lon qilingan bayonotda, "Prezident, Rossiyaga tashrif buyurgan Eron Islom Respublikasi Oliy Milliy Xavfsizlik Kengashi kotibi Ali Larijoniy(ni) Kremlda qabul qildi" ifodalariga o‘rin berildi.
Tramp, juma kuni erta tongda bergan bayonotida, Rossiyaning yaqin ittifoqchisi bo‘lgan Eron harbiy aralashuvdan qochish uchun yadroviy dasturi bo‘yicha kelishuv tuzishni istashiga ishonishini aytdi. AQSH Prezidenti shuningdek, yaqinda namoyishchilarga qarshi bosim o‘tkazgan Eronga nisbatan harbiy hujum tahdidini takrorladi.
Eronning Moskvadagi elchixonasi esa ijtimoiy tarmoq orqali qilgan xabarida, Putin bilan Larijoniy o‘rtasidagi muzokaralar iqtisodiy aloqalar bilan "muhim mintaqaviy va xalqaro masalalar" ustida jamlanganini, biroq tafsilot berilmaganini bildirdi.
Tashrifning oldindan e’lon qilinmagani, Rossiya davlat axborot agentligi "RIA Novosti" tomonidan xabar qilindi. Moskva, Vashington bilan Tehron o‘rtasida vositachilik qilishni taklif qilmoqda.
