Sanches AQSh va Eron o‘rtasida erishilgan kelishuv yuzasidan AQShning X ijtimoiy tarmog‘idagi sahifasida bayonot berdi.
“Buni olqishlaylik, ammo unutmaylik. Va yana bir bor, hamisha urush muvaffaqiyatsizlik ekanini anglaylik. Muloqot va diplomatiya — yagona yo‘ldir”, dedi Sanches.
U o‘z bayonotida shunday dedi:
“7 ming 400 nafardan ortiq inson, asosan tinch aholi halok bo‘ldi. Yuzlab uylar, maktablar va shifoxonalar vayron qilindi. Yevropa ham bundan mustasno emas — narxlar keskin oshdi va milliardlab yevro zarar ko‘rildi. Erondagi mojaroning narxi mana shudir. E’lon qilingan tinchlik kelishuvi ushbu bema’nilikka barham berishiga, barcha tomonlar tomonidan hurmat qilinishiga va Yaqin Sharqda yangi davr boshlanishiga ishonamiz.”
Ispaniya Tashqi ishlar vaziri Xose Manuel Albares ham X’dagi bayonotida quyidagilarni qayd etdi:
“AQSh va Eron o‘rtasida erishilgan kelishuv e’lon qilinganini mamnuniyat bilan qarshi olaman. Vositachilarning sa’y-harakatlarini qadrlayman. Hormuz bo‘g‘ozi orqali erkin va xavfsiz o‘tish ta’minlanishi zarur. Muloqot va muzokaralar Livan masalasi hamda boshqa hal etilmagan muammolarga yechim topishi va sulhni kafolatlashi mumkin.”
Eron Tashqi ishlar vaziri o‘rinbosari Kazim G‘aribobodiy 15 iyun kuni tong soatlarida AQSh bilan kelishuvga erishilganini tasdiqlab, anglashuv memorandumi 19 iyun kuni Shveysariyada imzolanishini ma’lum qilgan edi.
