Tibbiy manbalar seshanba kuni (28.04.2026), 2025 - yilning 10 - oktabrida kuchga kirgan otashkesimga qaramay Isroil tomonidan G‘azo sektorida amalga oshirilgan yangi hujumlari natijasida falastinlik bir bola halok bo‘lgani va ikki kishi tan jarohati olganini ma’lum qildi.

Manbalarga ko‘ra 9 yoshli Adel Lafi an - Najjar vafot etgan, 30 yoshli bir erkak kishi esa G‘azoning janubidagi Xon Yunusda Isroil hujumi oqibatida tan jarohati olgan.

Guvohlarning aytishicha, Isroilga tegishli insonsiz havo transporti Xon Yunus markazidagi Abu Hamid chorrahasi yaqinida, harbiylar joylashgan hududdan tashqaridagi bir joyga raketa otgan.

Tibbiy manbalar G‘azoning shimolida, al - Tvam hududi yaqinida Isroil kuchlari tomonidan tan jarohati olgan 49 yoshli ayolning ahvoli og‘ir ekanini bildirdi.

Guvohlar Isroil kuchlari harbiy joylashuv hududidan tashqarida joylashgan al - Tvam yaqinidagi al - Masri lageriga qarshi o‘q uzganini ham ma’lum qildi.

Shu bilan bog‘liq holda, guvohlar Isroil artilleriyasi G‘azo shimolidagi Jabaliya lagerining sharqiy hududlariga qarshi kuchli o‘t ochgani va ayni hududlarga qurolli hujumlar uyushtirilganini bildirdi.

G‘azo Sog‘liqni Saqlash vazirligiga ko‘ra, otashkesimdan buyon Isroil hujumlari natijasida kamida falastinlik 818 kishi halok bo‘lgan, 2 301 kishi esa tan jarohati olgan.